Türkmenistanyň Gruziýadaky Ilçihanasynda Türkmenistanyň Bitaraplygynyň 22 ýyllygyna we «Bitaraplygyň halkara günine» bagyşlanan brifing geçirildi.

2017-nji ýylyň 6-njy dekabryndan Ilçihanamyzda, Türkmenistanyň Bitaraplygynyň 22 ýyllygyna we «Bitaraplygyň halkara günine» bagyşlanan brifing geçirildi.

Agzalan brifinge, Gruziýanyň «TV24» Direktory Badre Naçkebiýa, «Foreign Business Georgia» halkara žurnalynyň Baş redaktory Wladimir Meroşniçenko, «Geo Traveller» žurnalynyň redaktory Nugzar Suhişwili, «Свободная Грузия» elektron gazediniň redaktory Marina Muratowa, «Resonance daily» gazediniň redaktory Akaki Gwemradze, I.Jawahaşwili Tbilisi döwlet unwersitetiniň Maglumatlar merkeziniň ýolbaşçysy Lewan Metreweli, I.Jawahaşwili Tbilisi döwlet unwersitetiniň Halakar hyzmatdaşlyk departamendiniň başlygy Nikolos Metreweli we beýlekiler gatnaşdylar.

Brifinga gatnaşyjylar ýetip gelýän Türkmenistanyň Bitarapygynyň 22 ýyllygy we «Bitaraplygymyzyň halkara güni» mynasybetli gutlaglaryny  giňişleýin beýan etdiler we Hormatly Prezidentimiz Gurbanguly Berdimuhamedowyň alyp barýan oňyn içeri we hoşniýetli daşary syýasaty esasynda, söwda ykdysady gatnaşyklary, dostluk we halkara hyzmatdaşygyny giňden ösdürmekde uly işler geçirilýändigi barada aýtdylar.

Türkmenistanyň Prezidenti Hormatly Gurbanguly Berdimuhamedowyň: «Biz Türkmenistanda bitaraplygy berkitmäge uly ähmiýet berýäris, onuň özboluşly hukuk ýagdaýyna buýsanýarys, Bitaraplyk biziň doktrinamyzdyr, ol tutuş dünýäde parahatçylygy saklamaga, halklaryň arasynda dost-doganlyk gatnaşyklaryny ösdürmäge çagyrýar, ynsanperwerlik ýörelgelerini yglan edip, agzybirlige ýardam berýär. Türkmenistanyň hemişelik bitaraplyk hukuk ýagdaýyna üýtgewsiz eýerip gelýändigini, Bitaraplyk, parahatçylygy söýmek we hoşniýetli goňşuçylyk gatnaşyklarynyň öz daşary syýasatynyň binýatlyk esasy bolandygyny we şeýle bolmagynda galýandygyny hemişe iş ýüzünde subut edýändigi barada aýdan sözleri bellenilip geçildi.

Türkmenistanyň Lideriniň, halkara söwda-ykdysady gatnaşyklaryny ösdürmek, howanyň üýtgemegi bilen bagly ekologiýa howpsuzlygyny üpjün etmek, energetika howpsuzlygyny gazanmak, daşky gurşawy goramak we halkara ulag geçelgelerini döretmek baradaky başlangyçlary hem-de teklipleri bütin dünýäde giň goldaw tapdy. Türkmenistanyň öňe sürýän daşary syýasy başlangyçlarynyň halkara giňişlikde giňden goldanylmagy we yzygiderli ösdürilmegi onuň Milletler Bileleşiginiň çäklerinde köptaraply diplomatiýasynyň netijeliliginiň barha ýokarlanýandygyny ýene-de bir gezek aýdyň görkezýär» diýip, çykyş edenler bellediler.